LOADING

Type to search

2匹窗口冷氣機:全方位大揭秘

2匹窗口冷氣機:全方位大揭秘

Share

話咁快夏天又就快到,香港冬天真係眨下眼就過……想趕喺夏天到來之前,做好research買部2匹窗口冷氣機?覺得市面上太多2匹窗口式冷氣機,唔知點樣入手?想要了解到更多有關資訊?今日我哋就好好咁認識下2匹窗口機嘅價錢、適用面積、保養資訊等等,幫你全方位大揭秘2匹冷氣機!今個夏天,齊齊清涼一夏!

2匹窗口冷氣機適用面積

喺講2匹窗口式冷氣機適用面積之前,首先要講解下冷氣能量(BTU/h)呢個概念。簡單嚟講,冷氣能量數值越大,冷凍力就越強。而冷氣能量同冷氣機匹數成正比,所以冷氣機匹數越大,冷氣能量就會越大。喺選擇相同匹數嘅2匹窗口式冷氣機嘅時候下,如果你遇到功能相若嘅冷氣機,不妨都細心睇睇冷氣能量(BTU/h),可以考慮直接選擇當中BTU/h較高者。

2匹冷氣機一般為16,000 – 18,000 BTU/h,適用於160-200平方呎嘅單位。喺選擇冷氣嘅時候,不妨用兩個數值做參考,去評定冷氣機嘅性能表現。

2匹窗口機價錢

市面上2匹窗口機極多,例如日立Hitachi RA18MF、RA18MDF,咁其實2匹冷氣機售價大概係幾多呢?一般嚟講,2匹機售價約港幣2,700 – 6,700,視乎冷氣機本身具備的功能多少而有所不同。如果你要求冷氣機提供除製冷以外嘅功能,或者對機身體積、靜音程度有所追求的話,價錢自然亦會因此上漲。不過通常商家都會有做推廣優惠,又未必會去到六千機七千咁貴,始終建議零售價同實際售價係兩件事……

2匹冷氣機保養基本知識

呢樣保養知識就係最開始嘅時候需要做,亦都係最基本嘅。雖然係咁講,不過有時候單位格局所限,都真係有心無力,香港地無辦法啦……

呢樣最最基本嘅保養知識就係,唔好將冷氣安裝喺太陽直射位置!點解咁講?冷氣機嘅功用就係將室內嘅熱空氣進行製冷,將熱力散發至室外。你諗諗如果部冷氣長時間接受太陽照射,唔好講散熱,部冷氣都曬到壞!所以如果情況條件允許,最好就將冷氣機安裝陰涼位置,咁樣有助冷氣機散熱,可以大大提升或者發揮到本身應有嘅製冷表現,咁樣亦都可以延續冷氣機嘅壽命。

Leave a Comment

Your email address will not be published. Required fields are marked *