LOADING

Type to search

【跟消委會揀冷氣】冷氣機、窗口機點揀先最精明?

【跟消委會揀冷氣】冷氣機、窗口機點揀先最精明?

Share

對於長期服務嘅電器——冷氣機,大家一定會好頭痕,究竟邊部冷氣機最好?邊個冷氣機牌子最好用?消委會冷氣機評測報告裡面,就羅列咗14款冷氣機嘅比較數據。消委會窗口機報告好難明?唔洗怕,我哋總結出消委會冷氣機報告嘅重點,帶住大家跟消委會揀冷氣!

冷氣機種類對比

喺跟消委會揀冷氣之前,要先學識分辨冷氣機種類,先可以睇明消委會窗口機報告。冷氣機一般可以分成以下3種:窗口式冷氣機、分體式冷氣機、窗口分體式冷氣機。

窗口式冷氣機

窗口式冷氣機其實就係大家平時見到最尋常嘅家用冷氣機款,安裝簡單,一般安裝喺窗框或者建築物預設嘅冷氣機台上。由於製冷及排風裝置集於一體,窗口式冷氣機喺製冷時,往往會有機械運作聲。即使是宣稱寧靜款嘅窗口機,都會有一定噪音。

分體式冷氣機

分體式冷氣機有兩部分——室內機、室外機。室外機負責壓縮及散熱製冷,室內機則負責排風。由於會產生噪音嘅室外機設置於室外,相對窗口式冷氣機,分體式冷氣機會顯得安靜。在冷氣機安裝方面,由於需要冷氣機師傅吊繩安裝室外機,因此安裝費用會相對較高。

窗口分體式冷氣機

結構上窗口分體式冷氣機同分體式冷氣機一樣,只係室內機係窗口式冷氣機嘅外觀,而室外機體積較細。窗口分體式冷氣機主要係針對,墻身面積有局限嘅用戶。

變頻式冷氣機 VS 定頻式冷氣機

雖然消委會窗口機報告裡面無提及呢個概念,不過作為精明嘅消費者喺揀選冷氣機之前都要學識分辨兩者嘅區別!

變頻式冷氣機

變頻冷氣機可以自動調節輸出功率,調整運轉頻率,保持壓縮機持續轉動,不必不斷開啟關閉,消耗電力重復啟動。變頻冷氣機嘅運作機制,可以減低室內溫度嘅波動,將電能最大效益化。日立分體式冷氣機 RASX10CCK(內)/RACX10CCK(外)就係採用直流變頻技術嘅變頻冷氣機。

定頻式冷氣機

顧名思義,與變頻式冷氣機相對,定頻冷氣機持續穩定其輸出功率,並不會自動調節壓縮機轉速。一旦達到冷氣機設定溫度,就會自動停止運作,直至室內溫度升高,才會重新啟動。

有時你會覺得冷氣忽冷忽熱,其實就係因為呢個原因。定頻冷氣機由於需要重復經歷開啟關閉,消耗嘅電力會較多。於2016年,消委會冷氣機報告就指出變頻式冷氣機更具能源效益,全年可慳電4成。而Panasonic CS-V9RKA / CU-V9RKA就係定頻冷氣機。

Leave a Comment

Your email address will not be published. Required fields are marked *