LOADING

Type to search

冷氣機比較:1匹窗口式冷氣機邊部好?

冷氣機比較:1匹窗口式冷氣機邊部好?

Share

市面上冷氣機牌子何其多,唔同牌子又有琳瑯滿目嘅型號,究竟邊部窗口機最好用呢?老實講,市面上真係有太多冷氣機,全部囊括比較就無咩可能。不過,根據小編親身使用經驗,我哋今日可以睇睇Hitachi、Hyundai、Giggas、Midea,呢4個牌子嘅1匹窗口式冷氣機比較,了解下價格、能源效益、製冷能力、安靜度及冷氣機評價嘅資訊!

Hitachi日立 RA-10MF

綜合評價:★★★★

日立1匹冷氣機售價約HKD 2,300 – HKD 3,800,能源標籤為1級。同其他牌子冷氣機比較,日立冷氣機喺空氣淨化方面最為出色。冷氣機使用WASABI 納米鈦空氣過濾網,具有空氣淨化功能,對於有鼻敏感嘅人士,不失為一個好選擇。
喺冷氣機運作音浪上,以窗口機嘅表現嚟講亦相當出色,只有些微聲響,並不會造成滋擾。

Hyundai現代 HWA-25

綜合評價:★★★☆

Hyundai現代1匹窗口機售價約HKD 1,700 – HKD 2,200,能源效益標籤為2級。呢款韓國現代冷氣機,與另外幾部冷氣機比較之下,表現不俗。Hyundai喺製冷時,聲音雖然略高於日立冷氣機,但在4款之中算是相當安靜。另外,相比起Giggas上將冷氣機,溫度感知及控制上亦做得比較好,唔會令人感覺忽冷忽熱。

Giggas上將 AC-409

綜合評價:★☆☆☆

Giggas1匹冷氣機市價約HKD 1,900 – HKD 2,500,能源標籤為2級。同其他冷氣機比較,性價比偏低。呢款冷氣喺室內溫度感應及調節上方面表現最差,難以維持穩定嘅室內溫度,經常性會令人感到忽冷忽熱。待室內已經變得悶熱,冷氣機先會開始製冷。冷氣機喺製冷嘅時候,機器運作聲極大。如果你係想選擇安靜嘅冷氣機,呢款冷氣就未必係你嘅最佳選擇。

Midea美的 MWH-09CM3X1

綜合評價:★★☆☆

美的1匹窗口式售價約HKD 1,600 – HKD 2,500,能源標籤為1級。美的冷氣機在四款冷氣機比較下,價格最低,可謂係平民之選。正所謂一分錢一分貨,就真係唔好太期待額外嘅優勝功能,例如空氣潔淨。喺大家最關心嘅冷氣機運作聲浪上,機器運作聲在4款之中不過不失。如果是設置在大廳,就會比較合適。

希望以上嘅冷氣機比較評測資訊,可以幫到你揀啱心目中嘅窗口式冷氣機。貼心提提你,喺進行冷氣機比較嘅時候,不妨睇睇能源標籤、定頻還是變頻、製冷能力等嘅資料,咁樣比起睇宣傳單張更有用!記得,千萬不要因為功能多就購買!

Leave a Comment

Your email address will not be published. Required fields are marked *